كشف السيناريست تامر حبيب عن أسرار من حياته الشخصية لأول مرة، مشيرًا إلى تجربته مع الاكتئاب وطرق تعامله معه.
قال “حبيب” في لقائه مع الإعلامية شيرين سليمان، ببرنامج سبوت لايت، المذاع على قناة صدى البلد: “أنا رئيس مجلس إدارة الاكتئاب بس لما بيحصل مش بشوف حد أو حد يشوفني لأني مش بحب أدخل على حد بطاقة سلبية”
وعن تعامله مع الاكتئاب، علق قائلًا: “بقفل على نفسي وأتفرج على أفلام لايت وخاصةً الأبيض والأسود، لحد ما أخلص الحزن لكن مقولش إني بقيت كويس وأنا مش كويس وده يخليني انتكس زيادة”.
وأشار تامر حبيب إلى أنه لا يتواصل مع أي شخص من أصدقائه في حالات حزنه ولكن هم من يشعرون به، مضيفًا: “أنا عندي ثروة صحاب كبيرة ولما بيحسوا إني متضايق بيدوروا عليا، مرة مثلا منى زكي قالتلي لما أبقى مكتئبة برميلك همي وأنت هتساعدني وتخرجني إحنا بنشيل الهم هنخرجك إزاي من الاكتئاب، فأنا بسيب الاكتئاب يخلص لوحده ماهو يا يخلص يا هموت”.
