مستقبلي راح وهقضي بقية عمري في المستشفى، هذا ما قاله عمر عصام بطل الجمهورية في الريست، بعد ما صحابه تعدوا عليه في منطقة الشرابية بالقاهرة وعنده إصابات خطيرة جدا.
اقرا ايضا ..تفاصيل القبض على المتهمين بقتل مزارعين آخذاً بالثأر بالبحيرة
عمر تحدث على تفاصيل ما حدث معه في فيديو مع كايرو لايف، وقال إنه كان يسير في الشارع ولقى واحد صاحبه اسمه يوسف بيضرب عيل صغير، وراح حاش عن الولد الصغير ودافع عنه.. وبعد كده اتصالح مع يوسف.
واضاف :” بعدها بفترة عمر اتجوز وساب الشرابية وراح منطقة تانية، وجاله تليفون من يوسف صحبه وقاله لما تنزل الشرابية ابقى كلمني عشان أباركلك على الجواز.. ونزل فعلا عمر عصام ورن عليه وجاله يوسف على موتوسيكل وكان معاه واحد صاحبهم تاني اسمه خالد”.
وكمل عمر وقال إن يوسف طلب منه يروح معاه عند أبوه عشان عايز يباركله هو كمان وهو راجل كبير ومش قادر يجي، وركب عمر ورا يوسف وخالد الموتوسيكل وراحوا لأبو يوسف وكان ساكن في حارة ضيقه وهادية جدا.
وقال بطل الريست إنه أول ما نزل وبيسلم على أبو يوسف راح قايله ينفع إللي انت عملته مع يوسف، ورد عمر قاله هحكيلك، راح الراجل قاله انت لسه هتحكي وضربه وزقه ويوسف راح خبطه بآلة حادة وحد تاني شده من رجله وقعة على الأرض واتعرض لإصابات خطيرة.
وقال عمر عصام إنه هيحتاج 6 عمليات وعينيه باظت وإيده بقى فيها عحز، وكان بيستعد إنه يلعب بطولة الجمهورية للمصارعة .
وتستمع جهات التحقيق المختصة، الى أقوال عمر عصام بطل الجمهورية للريست، في واقعة الاعتداء عليه من قبل مجموعة من أصدقائه بسبب خلافات بينهم بالشرابية.
وكشفت التحقيقات تفاصيل واقعة اعتداء مجموعة شباب على صديقهم الذي يدعى عمر عصام، والمعروف بـ بطل الريست، بسبب خلافات بينهم.
وإليكم نص تحقيقات المتهم وجاءت أقواله أمام جهات التحقيق كالآتي:”
س: ما قولك فيما هو منسوب إليك من أنك متهم بضرب المجني عليه عمر عصام عمدًا وإحداث ما به من إصابات والتي أعجزته عن أشغاله الشخصية وكان ذلك باستخدام أداة على النحو المبين بالأوراق؟
ج: أيوة حصل بس أنا مكنش قصدي.
س: ما قولك فيما هو منسوب إليك من أنك متهم بإحراز سلاح أبيض “سكين” بغير مسوغ من الضرورة المهنية أو الحرفية؟
ح: أيوه حصل وأنا غلطان بس أنا خدتها معايا عشان أدافع عن نفسي لو عمر عصام حاول يضربني.
س: ما الذي حدث إذا.. وما هي ظروف ضبطك وعرضك علينا؟
ج: اللي حصل إني كنت في البيت ولقيت أختي رضوي بتكلمني بتقولي الحقني في واحد بيعاكسني اسمه عمر في شارع المستشفى في الشرابية فأنا روحت جبت سكينة عشان لو حاول يضربني أدافع عن نفسي ولما روحت عنده وقابلته وقولتله أنت بتعاكس أختي ليه شتمني ورما شطة في وشي وضربني بكذلك في وشي وفي رأسي فأنا طلعت السكينة اللي معايا عشان أدافع عن نفسي وضربته في وشه وبعدها الناس اتلمت وحاشونا وأنا مشيت وبعدها وأنا مروح جالي أمين شرطة وداني على قسم الشرابية وبعدها وداني اكشف في المستشفى وجابوني على النيابة وهو ده كل اللي حصل.
س: متي وأين حدث ذلك؟
ج: يوم ۲۰۲٦/١/١٧ حوالي الساعة 11 مساء في شارع المستشفى بدائرة قسم شرطة الشرابية القاهرة.
س: ما سبب ومناسبة وجودك بالزمان والمكان سالفي الذكر؟
ج: أنا روحت عشان أتكلم مع عمر وأقوله متعاكسش أختي تاني.
س: من كان برفقتك آنذاك؟
ج: أنا كنت لوحدي.
س: هل من ثمة خلافات سابقة فيما بينك وبين سالفي الذكر؟
ج: لا.
