أثار أشرف نبيل ، المحامي الجنائي ، ضجة بسبب الفيديو اللي طالع فيه بالطيارة الخاصة والسيجار وهو رايح جلسة تحقيق وليس فيلم .
المحامي كان يتجه لمحافظة أسوان ليدافع عن متهم شديد الخطورة ماضي عباس راشد، مش متهم عادي ولا قضية خفيفة ده شاب أربعيني من أسوان، ومحكوم عليه بالإعدام في واحدة من أخطر قضايا الصعيد.
ماضي واخد حكم الإعدام هو والمتهمين التلاتة من 2022 ولسه القضية متداولة قدام القضاء، المهم أستاذ أشرف ربنا كرمه اليوم والجلسة اتأجلت
القصة كلها بدأت لما ماضي بدأ يفكر في السيطرة والنفوذ والفلوس، وبدأ في التنقيب غير المشروع عن الدهب في جبال أسوان، وطبعًا كلنا عارفين جبال أسوان كلها كنوز وخير الدنيا كله، ماضي بقى معاه سلاح ونفوذ وصراعات دموية، ولحد ما وصلت الأمور لموتى وقصص عن قتلى وجبال اتحولت لساحة حرب.
ماضي عباس راشد ومعاه 3 غيره، كانوا بيحاولوا يفرضوا سيطرتهم بالقوة على أراضي ومناطق فيها دهب، والأحداث معاهم وصلت لموت شقيقه وبعض المنافسين في النزاعات دي يعني القصة مش لعب عيال خالص، حرب حقيقية.
