تحدثت الدكتورة زينب طارق ، استشاري التخاطب واضطرابات النطق والكلام واستشاري نفسي وتربوي جامعة القاهرة، عن كيفية مساعد الطفل الذي يشعر بأنة غير محبوب بشكل كبير؟.
اقرا ايضا ..عندما يرى طفلك مشهد خاص بين الاب والام ؟ ماذا تفعلين ..الدكتورة زينب طارق تجيب
وأضافت الدكتورة زينب طارق ، خلال تصريحات خاصة لموقع ” رادار 90” ، أن أصعب وجع عند الطفل ليس الزعل أو العقاب، ولكن أصعب وجع هو إحساسه بإنه “ليس محبوب بما يكفي”، قائلا :” الإحساس ده بيفضل جواه… وبيطلع في شكل غضب، أو انسحاب، أو محاولة جذب اهتمام بأي طريقة”.. والمهم تعرف إن الطفل مش بيقول الجملة دي بصوت…
هو بيقولها بسلوك”.
وتابعت :” الطفل دائما يشعر بأنه غير محبوب كفاية وبيطلب اهتمام طول الوقت ليس لأنه مدلّع… ولكن لأنه خايف يختفي .. وعاده بيتضايق بسرعة من أي كلمة.. لان
الحساسية الزايدة عنده تعتبر رساله وليست مشكلة..وطول الوقت بيحاول يرضي كل الناس حتى لو جاء ذلك على حساب نفسه”.
وأكملت استشاري التخاطب واضطرابات النطق والكلام واستشاري نفسي وتربوي جامعة القاهرة، :” ممكن الطفل يغير من إخواته أو الأطفال اللى بجانبه وهذا يسمي ليست غيره بمعناها الطبيعي ولكنها خوف من فقدان مكانه ، يحيث يتجنب التجارب الجديدة لأنه خايف يغلط… فيخسر حبّك”.
وأشارت الدكتورة زينب طارق ،الى كيفيه مساعده الطفل والشعور بأنة يحس ومحبوب؟ لافته الى أنة لابد من الفصل بين السلوك والطفل بحيث انك ممكن تقول له أنا زعلان من اللي حصل وليس منك ،، الجملة دي بتنقذ قلب صغير ، بمعنى اعطائة حب بدون شرط .. وممكن تحضته وتؤكد له إن حبّك مش مرتبط بطاعته أو تفوقه .. واقضي وقت فردي معاه
عشر دقايق بس يوميًا … والوقت دة يساوي عنده الدنيا كلها” .
وواصلت استشاري التخاطب واضطرابات النطق والكلام ، ” اسمع طفلك من غير ما تقاطعه لما يحس إن صوته مسموع بمعنى إحساسه بقيمته بيعلى ، وامدحه على شخصيته… مش بس إنجازاته مثلا قول له “بحب طيبتك“ أو قولة “عجبني إصرارك.” دي كلمات بتبني روح مش بس ثقة .. طمّنه إنه مش محتاج يكون كامل .. قوله إن الغلط جزء من التعلّم… ومش هيغيّر مكانته عندك”.
وقالت الدكتورة زينب طارق، إن الخلاصة :” الطفل اللي حاسس إنه مش محبوب… مش محتاج هدايا ولا مكافآت، هو محتاج يقين… إن وجوده في حياتك غالي،
وإن حبّك ثابت، وإنه مش محتاج يثبت نفسه كل يوم علشان يتقبّلك.. ولو محتار تتعامل إزاي مع مشاعر ابنك، كلم متخصص يساعدك تفهم جذور خوفه وتدعمه صح”.
