تحدثت الدكتورة زينب طارق ، استشاري التخاطب واضطرابات النطق والكلام واستشاري نفسي وتربوي جامعة القاهرة، عن اكتر الحالات الشائعة التى إستقبلتها في العيادةخلال الفترة الحالية هي الشخصية النرجسية ، والتى لها صفات تعريفية وكيفية التعامل معها .
اقرا ايضا ..ما هي الممنوعات في التعامل مع مشاعر الاطفال ؟الدكتورة زينب طارق توضح
وأضافت الدكتورة زينب طارق ،خلال تصريحات خاصة لموقع “رادار 90” ، أن الشخص النرجسي هو مجرم ولا ضحية؟ وتعد من أكتر الشخصيات التي تجعلك تحتار ، حيث أن الشخص النرجسي هو شخص “لازم تقابله في حياتك، وتلاقيه مؤذي جدا ومتعب جدا، وطريقة تعامله لا تُطاق”.
وتابعت :” لكن في نفس الوقت لما تدقق، تلاحظ أن الشخص النرجسي هو شخص هش جدًا من جواه، مسكين جدا، ضحية تربية غلط، أو صدمات طفولة مأثرة عليه” متسائلة هل الشخص النرجسي هو ظالم يستحق الكراهية؟ أم هو ضحية يستحق التعاطف؟ وهل هو معذور قدام ربنا؟”.
وأجابت استشاري التخاطب واضطرابات النطق والكلام واستشاري نفسي وتربوي جامعة القاهرة، الحقيقة إن النرجسي بالدرجة الأولى ضحية لكن، لا يستحق التعاطف ، وهو ضحية طفولة مضطربة، غالبًا تعرض لنوع سيئ من التربية، فطلع عنده مشكلة كبيرة في تقدير ذاته ، الى جانب أن بداخلة إحساس بالدونية كبير.. وبدل ما يواجهه أو يعالجه، قرر إنه يتعالى على الناس، ويئذيهم، ويقلل منهم، ويتنمر عليهم، عشان يعوض نقصه”.
وأكملت :” الشخص النرجسي مش واثق في نفسه بجد، هو بيمثل إنه قوي ومثالي، لكنه من جواه ضعيف وهش ومرعوب جدا، وهو شخص مختار، مش مجبر إنه يكون مؤذي ” متابعاً :” هناك أشخاص نرجسيين بيقدرو يقاومو مشاعرهم، ومبيئذوش حد، وبيتظاهرو بالمثالية الزايدة، النوع ده بيسموه (النرجسي الخفي) محدش بيقدر يكتشفه، إلا لما تتعامل معاه لوحده، وتحتك بيه زيادة.. ولكن بعضهم مش بالضرورة يؤذي، ممكن يقاوم رغبته في الأذى، ويخاف ربنا فيك”.
وإسترسلت الدكتورة زينب طارق، قائلة :” الشخص النرجسي يبقى عارف كويس هو بيعمل ايه، وبيختار بكامل إرادته إنه يؤذي أو ميئذيش.. وإن كان عنده رغبة في الأذى قوية وملحة جدا.. لكن البعض زي ما قلنا بيقدر يقاومها .. ولكن في حالات من النرجسيين بتبقى حادة جدا تصل لدرجة المرض بمعنى فقدان السيطرة تماما على أفعاله، ده بيكون أشبه بالمجنون في تصرفاته، وبيبقى مكشوف جدا قدام الناس إنه مريض نفسي، مش شخص سوي.. ده طبعا حكمه حكم المريض.. والمريض معذور عند الله”.
وإختتمت ستشاري التخاطب واضطرابات النطق والكلام واستشاري نفسي وتربوي جامعة القاهرة، تصريحاتها قائلة :” النرجسي مش بيعرف إنه نرجسي، وشايف نفسه دايما على حق، ومش بيشوف نفسه غلطان أبدا.. ومش بيعرف يعترف إنه غلطان. الاعتراف بالغلط عنده معناه إنكسار نفسي، وده شيء مستحيل يتحمله. عشان كده، حتى مع العلاج النفسي، التغيير يكاد يكون شبه مستحيل إلا في حالات قليلة جدًا ” متابعاً :” التعامل مع النرجسي اختبار نفسي كبير، وميزان دقيق بين الحزم وعدم الظلم ، وليس كل نرجسي لازم يأذيك، لكن كل نرجسي عنده استعداد كبير جدا للأذى لو لقى الفرصة. عشان كده، احزم، وارسم حدودك، وحافظ على نفسك.
