تحدثت الفنانة نورهان منصور ، عن كواليس مشروعها الفني الجديد، مؤكدة أنه ينتمي إلى عالم المسرح، وأن التحضيرات له بدأت مؤخرًا، إلا أنها فضلت عدم الكشف عن تفاصيله حاليًا ، قائلة :” بشتغل حاليًا على مشروع مسرحي جديد، لكنه ما زال في مراحله الأولى، علشان كده مش هقدر أقول أي تفاصيل دلوقتي. لكن اللي أقدر أؤكده إنه مختلف ومتحمسة له جدًا.”
اقرا ايضا ..بعد سفرها إلى ألمانيا .. النجمة أنغام تكشف حقيقه إصابتها بـ سرطان الثدي
وكشفت الفنانة نورهان منصور، عن كواليس مشروعاتها الفنية المقبلة، وتحدثت عن حلمها الفني الكبير، ورأيها في السوشيال ميديا، وظاهرة دخول البلوجرز والمشاهير عالم التمثيل ، مشيرة إلى ، مشاركتها في مسلسل قهوة المحطة، مشيدةً بعوامل النجاح التي ساهمت في تميز العمل وتحقيقه لصدى واسع بين الجمهور والنقاد على حد سواء.
وأوضحت الفنانة نورهان منصور ، قائلة : “أي عمل فني علشان يحقق نجاح كبير لازم يكون وراه مايسترو شاطر، وده كان متحقق فعلاً في قهوة المحطة بداية من وجود سكريبت قوي كتبه أستاذ عبد الرحيم كمال، وده في حد ذاته بيدي أساس متين تبني عليه أي مشروع فني ناجح”
وأضافت نورهان منصور: “بيتفضل بقى دور المايسترو الحقيقي، وهو المخرج، وجود مخرج شاطر هو اللي بيطلع العمل بالشكل الصح، لأنه القائد اللي بيوجه كل عناصر الإنتاج ويطلع منها أفضل ما فيها”.
وتابعت قائلة: “في أعمال فنية كتير أفكارها بسيطة، واتعملت قبل كده، لكن وجود مخرج متمكن وقدير بيقدر يحول الفكرة العادية لعمل فني يبهر الجمهور ويكسر الدنيا، وده اللي حصل مع قهوة المحطة وأعمال تانية كتير”.
وركّزت نورهان منصور، على أهمية العناصر التكميلية لنجاح أي عمل، قائلة: “أكيد كمان وجود كاست تمثيلي قوي، وشركة إنتاج محترمة بتؤمن بالمشروع، بيفرقوا جدًا، لكن من وجهة نظري الشخصية، اللي باحترم أي حد يختلف معاها، المخرج الشاطر هو أهم عنصر في أي عمل فني ناجح”.
