شهدت مدينة طوخ بمحافظة القليوبية، واقعة غريبة وصادمة للغاية ، بطلتها فتاة في الخامسة والعشرين من عمرها، فوجئت بزواج زوجها من سيدة أخرى بعد أيام قليلة من زواجهما، لتتحول حياتها إلى سلسلة من المفاجآت القانونية والتهديدات.
اقرا ايضا ..تفاصيل اللحظات الأخيرة لطالبة الزقازيق قبل سقوطها من الدور الأخير
سيدة تستغيث في مدينة طوخ
اكتشفت سارة بنت بسيطة من طوخ ما وصفته بـ”جريمة التزوير والخداع” التي تعرضت لها حيث تزوجت من حوالي 7 شهور من شاب شغال في شركة غاز، وقالوا عنه ابن حلال، والناس فرحوا بيهم، وكانت فرحتها مش سايعها لكن الفرح ماكملش.
وروت سارة، تفاصيل معاناتها، قائلة إنها تزوجت في ديسمبر 2024 من شاب ثلاثيني يعمل بإحدى شركات الغاز، وبعد مرور عدة أشهر من الزواج اكتشفت حملها الأول، إلا أن حياتها الزوجية لم تخلُ من الخلافات والإهمال، بحسب روايتها.
وبعد كام شهر من الجواز، بقيت حامل، وكنت مستنية جوزي يفرح بيها ويشيلها فوق راسه، زي ما بيحصل مع أي بنت بس اللي حصل كان عكس كده تمامًا.
ما كنش بيصرف على البيت
تقول سارة: زوجي ماكنش بيصرف عليا ولا بيهتم بأي حاجة في البيت، فقررت أرجع بيت أهلي، وبعدها بأيام اتصل بيا رقم مجهول من سيدة قالت لي “جوزك اتجوز عليكي”، في الأول افتكرتها بتخرف وعايزة تخرب بيتي، لكن لما أصرت وطلبت مني أروح أسأل في المحكمة، بدأت أشك.
وهنا جات المكالمة اللي قلبت حياتها: قالتها لها ست من رقم غريب، “جوزك متجوز عليكي”، سارة اتصدمت، قالتلها إنتي عايزة تخربي بيتي؟ ده لسه متجوزني من كام شهر؟
الصدمة
وتكمل سارة أنها توجهت بالفعل إلى المحكمة لاستخراج قسيمة زواجها، لتفاجأ بأن اسم الزوجة المُسجل مختلف عنها، وهناك كانت الصدمة: أغمي عليا في المحكمة من الصدمة، ولما فوقت اكتشفت إنه زور قسيمة جوازي، ولما واجهته قال لي اخبطي راسك في الحيط.
دعوى إثبات نسب
وأضافت أنها أقامت ضده دعوى إثبات نسب لحماية حقوق طفلها المنتظر، بالإضافة إلى دعوى أخرى تتهمه فيها بالتزوير بمشاركة المأذون، وأوضحت أن القضية لا تزال متداولة أمام محكمة الأسرة، وسط محاولات فاشلة للصلح قادها بعض الأهالي في القرية بسبب غياب الزوج عن الجلسات، على حد قولها.
تهديدات وبلاغات
ولم تتوقف المعاناة عند هذا الحد، إذ أكدت سارة أنها تعرضت لتهديدات متكررة من زوجها وأشقائه لإجبارها على التنازل عن البلاغات: قالولي هنموتك إنتي وأبوك لو ما سحبتيش القضايا، وسجلت كل التهديدات وقدمتها في محضر رسمي يوم الأربعاء 14 مايو 2025 بقسم شرطة طوخ.
استغاثة بالمسؤولين
واختتمت سارة حديثها قائلة: كل اللي طالبة الناس تقف جنبي، أنا مش طالبة غير حقي، ولو أنا غلطانة أتحاسب، بس هو في راجل يتجوز على مراته بعد 8 أيام من الفرح من غير ما يبلغها وكمان يزور عقد الجواز .
عايزة حقي
دلوقتي سارة بتواجه ده كله لوحدها، ورفعت قضية إثبات نسب علشان ابنها اللي جاي يعرف مين أبوه، وقضية اثبات علاقة زوجية ورفعت قضية تزوير، وكمان عاملة محضر تهديد بالقتل بعد ما جوزها وأهله بقوا بيبعتولها تهديدات ويقولولها: “هتموتي إنتي وأبوك”.
سارة مش عارفة تنزل من بيت أهلها، وخايفة على حياتها وحياة اللي في بطنها ، هي مش طالبة غير حقها.
