كشف أحمد يعقوب ، الخبير الاقتصادي ، عن ٧ خطوات لزيادة حجم أموالك ، في ظل الظروف الراهنة المتوحشة في العالم على النحو التالي.
اقرا ايضا ..لو بتفكر تشترى سيارة .. أحمد يعقوب يكشف التفاصيل
1 – لو عايز دخل شهرى ثابت يبقى شهادة الادخار البنكية – الشهادة الأولى ثابتة العائد لمدة 3 سنوات بسعر 19% سنوى ويصرف العائد شهريًا
– لو مبلغ مستثمر 100 ألف جنيه فى الشهادة يبقى إجمالى العائد فى 3 سنوات 57 ألف جنيه
– الشهادة الثانية متناقصة لمدة 3 سنوات بسعر سنوى 22% لأول سنة و 18% السنة الثانية و 16 % السنة الثالثة ويصرف العائد شهريًا
– لو مبلغ مستثمر 100 ألف جنيه فى الشهادة يبقى إجمالى العائد فى 3 سنوات 56 ألف جنيه
– الخلاصة: لو هتشترى شهادة 19% المكسب 57 ألف جنيه ولو شهادة 22% يبقى 56 ألف جنيه فى 3 سنوات
2 – الاستثمار فى الذهب، ويفضل لفترة أطول من سنة واشترى الجنيه الذهب علشان سهل تبيعه وسعره دلوقتى 20 ألف جنيه، وممكن تشترى السبائك خفيفة الوزن 5 و10 و20 جرام
3 – لو بتفضل الدولار يبقى عندك شهادات الاستثمار الدولارية داخل البنوك المصرية وبمتوسط فائدة 5% سنويًا يعنى على كل 10000 دولار استثمار هتاخد 500 دولار فى السنة لمدة 3 سنوات
4 – لو مدة استثمار أطول من 3 سنين يبقى العقارات الحل الأمثل لأن متوسط نسبة الزيادة السنوية فى العقارات لا تقل عن 15%، بس خلى بالك من صعوبة بيع بعض العقارات علشان توفر السيولة
5 – امسك فى وظيفتك الحالية كويس وطور أدواتك فى المجال اللى بتفهم فيه وبتحبه واستخدم جامعة “يوتيوب” وفيديوهاته علشان تتعلم وتبقى جاهز للفترة القادمة بعد انحسار الأزمة
6 – برنامج طرح الشركات الحكومية فى البورصة هيكون مهم لشراء أسهم وممكن تخلى شركة هى اللى تدير محفظة الاستثمار بالنيابة عنك وهيكون مستوى الأرباح عالى جدًا ومع الوقت هتتعلم تتعامل مع البورصة
7 – إعادة ترتيب الأولويات وتستغنى عن السلع غير الضرورية وده وقت مهم جدًا لتقليل الاستهلاك من أى منتجات تحديدًا الضارة بالصحة وكمان تشترى أى حاجة بالتقسيط قدر الإمكان، حتى شراء الشقة يكون بالتمويل العقارى
