قالت الفنانة لقاء سويدان، إنها قامت بتحرير محضرًا رسميًا في قسم شرطة قصر النيل ضد مطعم “أ.غ” الشهير بمنطقة الزمالك، وذلك بعد أن قدم لها طعامًا غير صالح للاستهلاك الآدمي.
وأشارت : “أخذ نص الساندوتش وقال إنه هيوديه للشيف، وبعدها جه الشيف وقال إن الساندوتش سليم، ورماه في الزبالة قدامي”.
وأوضحت:” بدأت أقول للناس الشاورما دي بايظة محدش يشتري منها، وقولت للشيف يشيل السيخ بس هو رفض وكلمني بطريقة مش كويسة والولد اللي في المحل قالي مقدرش أشيله، وروحت القسم عملت محضر عشان محدش يتأذي”.
وقالت سويدان: “كنت خارجة من التصوير، رجُعت في الطريق، فقررت أشتري ساندوتش شاورما من المطعم، لكن أول ما فتحته لاحظت إن ريحته غريبة جدًا، فرجعت للمحل وقلت له إن الفراخ دي بايظة”.
وأضافت: “رد عليا وقال أن الشاورما تمام، وإن الريحة دي ريحة التومية، وسألني: (قولي إيه طلباتك؟)، فقولتله بكل وضوح: (شيل السيخ ده وارميه عشان محدش ياكل منه ويتسمم)، لكنه رفض”.
