هاجم أحمد عبدالقادر لاعب النادي الأهلي، بعض صفحات السوشيال ميديا على مواقع التواصل الاجتماعي «فيس بوك»، بعد الهجوم الكبير الذي يتعرض له في الفترة الأخيرة.
اقرا ايضا ..ميدو : أفضل حاجه حصلت في الزمالك رحيل مرتضي منصور |صورة
وكتب عبدالقادر عبر صفحته الرسمية على موقع التواصل الاجتماعي «فيس بوك»:«جمهور الاهلي اكبر منك يا شويه هايفين ياللي بتقبضو الفلوس علشان تعللو ده وتوطو ده انا موسم كامل ساكت مفتحتش بوقي ومش هفتح بس فيه وقت لازم تتقو ربنا فيه جو الادمن بتاعكو والفلوس اللي بتتوزع عليكو وقدام عيني».
وأضاف لاعب الأهلي: «حد عرض عليا اعمل حملات هجص ولقطه وهنعليك وهنخليك في السما دا مش عندي انا ربنا بيكرمني علشان انا عارف انا بتعب ازاي وهفضل طول عمري شريف مش بتاع الف والفين جنيه ابيع بيهم كرامتي فا بلاش انتو علشان انتو لا تمسو للنادي الاهلي باي شئ النادي الاهلي اكبر نادي في العالم مش في مصر».
وواصل: «فا اللي انتو عاوزينو ده مبعملوش والاجازه يا انا يصفحاتكو اللي كلها نفاق ورشاوي وبقولها لاخر مره انا بتاع شغل مش بتاع رشاوي وبعدين لقطه ركز جو الملعب وسيبك منهم رد في الملعب رد في الملعب ايه ما تنضجو شويه لما حد بياخد فلوس ويغلط فيك سنه كامله واكتر ويشتم اهلك تقولي رد في الملعب ولما ترد يقولك متركزش معاهم».
واختتم:« مين قال انهم فارقين معايا اصلا ولو انتو فعلا عندكو ذره ثقه وقلبكو كان جايبكو مكنش البوست اتمسح بعد ساعه علي طول بس انا اللي هنزله صباح الفل وجمعه مباركه».
