أعلنت الفنانة وفاء عامر، اتخاذها الإجراءات القانونية ضد ثلاثة أشخاص أساءوا لها، واتهموها بالكذب والافتراء على مواقع التواصل الاجتماعي، قائلة رفعت قضايا على مروة يسري، وواحدة مصرية في الكويت، وواحد سعودي اتكلم في حقي وغلط.
اقرا ايضا ..إيمان العاصي تبدأ تصوير قسمة العدل… إليكم التفاصيل
وقالت عامر خلال لقائها مع الإعلامي أحمد سالم ببرنامج كلمة أخيرة على شاشة ON E: “مين قال إني مدافعتش عن نفسي من اللي بيتقال عني، بدافع بالقانون ورفعت قضايا وقضاء مصر العادل خلاني قاعدة دلوقتي، والداخلية قوية ومحترمة ومش بتسيب حاجة”.
كما كشفت الفنانة وفاء عامر كواليس شرائها شقة للراحل إبراهيم شيكا ناشئ الزمالك، بعد تدهور حالته الصحية: قبل ما شيكا يموت روحت بيته لقيت إن مينفعش واحد عنده جروح في جسمه يسكن في بيت.
وتابعت: بدأت أجمع تمن الشقة، مش من تيك توك ولا فيسبوك، ومعايا حد بيراجع ورايا الفلوس دي، جبت فلوس وجبت له بيت، بعت المحامي معاه شيك بتمن الشقة، فاضل على الشقة 150 ألف جنيه، وأنا عايزة استرجع الشقة دي، لأنها عاملة مشاكل بين هبة وبين عيلتها.
وأوضحت الفنانة وفاء عامر، إنها تعرفت على قصة إبراهيم شيكا لاعب الزمالك ومعاناته منذ البداية، حيث روى لها بنفسه أنه بدأ ممارسة كرة القدم منذ أن كان في السابعة من عمره، ولعب في عدد من الأندية، لكنه لم يكن تحت الأضواء، وكان يتقاضى مبلغًا لا يتجاوز 500 جنيه مقابل مشاركته في المباريات.
وأضافت عامر، خلال لقائها ببرنامج «كلمة أخيرة» على شاشة ON: «عرفت إبراهيم شيكا يوم 31 أكتوبر، ومحادثتي معاه لسه موجودة حتى هذه اللحظة لقيت مجموعة من الصحفيين بيكلّموني على السوشيال ميديا، وبيقولولي في لاعب كرة اسمه إبراهيم شيكا مريض بالسرطان، خصوصًا إنه ماكانش مقيد في نادي الزمالك».
وتابعت: «دخلت معاه محادثة لايف، وطلبت منه يبعتلي الورق، في البداية، ربنا يسامحني، ماصدقتش لأنه كان شعره كثيف وقلت مش مريض، لكنه بعتلي الأوراق الطبية، وبالفعل بعتها لقريبي في أمريكا، وقالي إن المرض اللي عنده شرس جدًا، ومع ذلك، إبراهيم كان عنده أمل كبير إنه يرجع يلعب كرة».
واصلت : «كان عامل عمليتين قبل ما أعرفه، وأنا محضرتش معاه غير عملية تحويل المسار الأخيرة، وكل ده موثق صوت وصورة سواء عندي على الشات أو بالكاميرات، حتى إني شفت الجرح اللي في جنبه، وكان بيغيّر على الجرح عندي في البيت، وأول مرة أشوفه وجهًا لوجه كان يوم 4 أو 5 أكتوبر».
