تصدرت التريند وحققت مشاهدات بالملايين خلال فترة قصيرة، وأشاد المتابعين بمحتواها الصوتي (vo)، واستطاعت أن تثبت بجدارة مهاراتها في العمل الإعلامي كمذيعة سواء في برنامجها “يلا نهزر” المذاع على فضائية MBC مصر، أو برنامج “الحبكة” على قناة ETC، إنها الإعلامية منة زهدي.
قالت الاعلامية منه زهدي ، إن بداية مشوارها في الاعلام كانت في ٢٠١٢ وقت دخولي كلية الإعلام ، كانت بداية حقيقية ليا اني اتدرب مراسلة تليفزيون واشتغل في المجال ده، بدات وقتها اتنقلت بين عدة قنوات تليفزيونية مثل قنوات اونست، ودريم، والحياة، والاردنية anb .
اقرا ايضا ..منى العمدة : تدشين شركة لإنتاج المسلسلات والأفلام والإعلانات والبرامج التلفزيونية
وأضافت زهدي خلال تصريحات خاصة لـ ” رادار 90 “، أنة في عام 2018 انها قامت بتغطية انتخابات الرئاسة في قناة قناة dmc ، بالإضافة لعملي في إحدي شركات الإنتاج ايسستنت برديوسر وفويس اوفر لبرنامج البر والتقوى المذاع علي قناة المحور، بالاضافة لعملي كمذيعة في راديو هوا كان تابع وقتها لحزب مستقبل وطن، بالاضافة الى عملي كمذيعة سوشيال ميديا في منصة مصر وفي قناة etc، واخيرا اشتغلت مذيعة تليفزيون في قناة mbc ومنصة شاهد وقدمت من خلالهم برنامج يلا نهزر.
وتابعت :” النصائح اللي بنصحها لطلاب كلية الإعلام انهم يتدربوا ويشتغلوا من وقت دخولهم الجامعة، لان اللي بيدرسوا في الكتب مالوش علاقة بالسوق الاعلامي، ومايياسوش وياخدوا كورسات في الطريق اللي هيختروا ويبدأوا يحققوا احلامهم من خلال التقديم علي السوشيال ميديا “.
وأكملت :” للأسف مجال الإعلام مابقاش يدعم المواهب الشابة اد مابقي يعتمد علي التجارة والمكسب المادي اللي هيعود عليهم، وده بقينا نشوفوا من خلال تقديم اي تريند حتي لو كان هابط لمجرد الحصول علي مشاهدات، بجانب طبعا اعتمادهم في اختيار مذيعين البرامج علي حسب عنده كام متابع “.
وعن قدوتها في مجال الاعلام أشارت منه زهدى الى أن قدوتي في الإعلام الاعلامية القديرة مني الشاذلي وشريف عامر مشيرة الى أن احلامها وشغفها أن تستمر وتنجح في تقديم محتوي مفيد علي سوشيال ميديا، وأن اقدم برامج مفيده لها اهمية علي التليفزيون المصري .
وأشارت الى أن المستقبل كله رايح في اتجاه السوشيال ميديا واي شخص بيبدا في النجاح والظهور حاليا بيكون من خلال السوشيال اكتر من التليفزيون، ولكن التليفزيون له متابعينه ولكن حاليا بمستوي اقل من السوشيال ميديا من حيث المشاهدة والانتشار ، وتقديم محتوي علي السوشيال ميديا والتفرغ ليه.
وتابعت :” الصعوبات اللي قابلتها في شغلي إن الفرصة كانت صعبة جدا، بالإضافة إلي ان العمل الإعلامي بيحتاج لعلاقات ومعارف وواسطة اكثر من الموهبة، بجانب إن الشغل الإعلامي في الاغلب بيكون في مدينة ٦ أكتوبر وده بياخد مني وقت ساعة ونص أو ساعتين عن مكان سكن ، حيث أنة للاسف السوق الإعلامي حاليا بيعتمد على التريند وعلى نسبة المتابعين للشخص حتي لو مش دارس إعلام، والتقييم حاليا علي أساس شهرة المذيع وعدد متابعينه حتي لو هيشتغل في المهنة دي لأول مره بجانب المعارف والعلاقات”.
وأكملت :” السوق الإعلامي يحتاج الى ضوابط طبعا، وان مش حد يطلع يقدم اي حاجه حتي لو كلام مايتسمعش لمجرد التريند، بالإضافة لمهارات المذيع والقاءه وهل هو متحدث جيد أم لا، لازم يكون في ضوابط تحكم المهنة، والفرصة تكون لاصحاب المواهب الحقيقة والدارسين اكتر ما تكون للممثلين والمشاهير”.
