كشف محمد شبانة، نجل شقيق عبد الحليم، تفاصيل جديدة حول ما تردد عن زواج العندليب الأسمر عبد الحليم حافظ وأسرة السندريلا سعاد حسني، مؤكدًا أن ما تم تداوله لا يستند إلى أي حقيقة.
اقرا ايضا ..شقيقة سعاد حسني ترد على عائلة عبد الحليم حافظ: الجواب مش خطها ومطلبناش ورث
وقال محمد شبانة في مداخلة هاتفية ببرنامج “تفاصيل” الذي تقدمه الإعلامية نهال طايل على قناة صدى البلد 2: “إحنا عمرنا ما قولنا إن سعاد وحليم اتجوزوا، بالعكس، أسرتها هي اللي قالت كده، وسعاد طول حياتها ما جابتش سيرة الزواج ده، والكلام ده بدأ يطلع بعد وفاتها، وده كان بعد 17 سنة من وفاة عمي”.
وأوضح محمد شبانة أن عبد الحليم كان يُكن مشاعر حب حقيقية لسعاد، قائلًا: “أيوه، عمي عبد الحليم كان بيحبها، بس متجوزهاش، وهو قال قبل كده إن الجواز مش حب بس، فيه حاجات تانية، والتسجيل اللي قال فيه الكلام ده هينزل قريب”.
