وليدمحمد
كشفت الفنانة علا رامي عن تفاصيل انفصالها عن طليقها الفنان نادر أبو الليف، وسبب انفصالها عنه بعد قصة حبهما الشهيرة.
واكدت علا رامي خلال حوارها في برنامج “قعدة ستات” المذاع على شاشة “القاهرة اليوم”، انفصلت عن نادر أبو الليف بسبب الناس: مضيفة ان الجماهير فرقت ما بينا، عشان شايفنا اننا مش شبه بعض.. الناس كانت بتقول احنا بنحبك لوحدك وبنحب ابو الليف لوحده، مش السوشيال ميديا هي اللي اتحكمت إذا كنا نكمل ولا لأ.. احنا سيبنا بعض عشان في تراكمات كتير حاجات بسيطة على حاجات بسيطة فبقت مشكله كبيرة، فقولنا كل واحد يروح لحاله احسن.
واردفت علا رامي: بنسأل على بعض لغايه دلوقتي وبنتكلم، وباركتله على جوازه وأطفاله.. وربنا يوفقه في حياته، مقدرنش نستمر مع بعض لظروف كتير.
وعن العلاقة بينها وبين أبو الليف، قالت الفنانة علا رامي ان الامور انتهت وهما الآن أصدقاء فقط: بدي فرصة واتنين وتلاتة وعشرة.. لغاية ما خلاص وبقلب الترابيزه وبكون استنفذت كل وسائل الصلح، وكان ظاهر قدام الناس أني بغير عليه، ولكن الحقيقه مكنتش كده، هو كان لسه صاعد وعنده حفلات، وفي الاخر ربنا يوفقه.
يذكر ان برنامج “قعدة ستات” تقدمه الإعلامية مروة صبري على شاشة “القاهرة اليوم” يوم السبت من كل أسبوع، وتستضيف من خلاله عددًا من الفنانات وتناقش قضايا مختلفة.
