كشف الإعلامي أحمد شوبير آخر التطورات داخل النادي الأهلي بشأن اختيار المدير الفني الجديد، مؤكدًا أن الاجتماعات داخل القلعة الحمراء كثيفة والخيارات مطروحة بعناية.
اقرا ايضا ..موعد مباراة مصر ضد بوركينا فاسو
وقال شوبير عبر إذاعة “أون سبورت إف إم”: “فيه اجتماعات كتير شغالة داخل الأهلي عشان يختاروا خليفة ريبيرو، وهقول لك الدنيا ماشيه ازاي. الاتجاه الغالب هو مدرب أجنبي، وكان المفروض المدرب ده يبدأ التمرين بعد الإجازة يوم الخميس، بس بعض الأصوات قالت: لا، ما تستعجلوش، خليكوا هاديين شوية، خطوة خطوة لحد ما نشوف الأمور هتتحرك إزاي”.
وأضاف: “المسئولين بالأهلي شكل جهاز كامل: كابتن عماد النحاس، كابتن عادل مصطفى، كابتن محمد نجيب، كابتن أمير عبد الحميد، ومعاهم اثنين للأحمال: عبد الرحمن عيسى والشيحي، والنجم الكبير وليد صلاح الدين مدير الكرة، وكابتن محمد يوسف مدير رياضي للفريق، وأسامة هلال رئيس إدارة السكوتنج والقائم بأعمال مدير التعاقدات. الكل نصح بالهدوء عشان الأمور تمشي صح”.
وتابع :” هناك اجتماعات كتير شغالة جوه الأهلي عشان يحددوا مين هيبقى خليفة ريبيرو، والاتجاه لحد دلوقتي رايح لمدرب أجنبي، بس كان في كلام إن المدرب الجديد هيبدأ على طول بعد الأجازة، لحد ما في أصوات قالت نستنى شوية ونشوف الدنيا ماشية إزاي من غير استعجال، ومعنى الهدوء ده إن في صبر وثقة فيه، بس ده مش معناه إن الأهلي مش هيجيب مدرب أجنبي، لأ.. التفاوض شغال، بس بهدوء وعلى مهله.
