وجه وائل رياض نجم الأهلى ومنتخب مصر للشباب الأسبق، رسالة إلى المسئولين في الأندية بسبب منع أولياء الأمور المرتدين”جلاليب” من مساندة أبناء وتشجعيهم.
اقرا ايضا ..تشيلسى بطلاً لـ كأس العالم للأندية بالفوز علي باريس سان جيرمان بثلاثية نظيفة
وكتب رياض عبر حسابه الشخصي على موقع التواصل الاجتماعي “فيسبوك”:”في موضوع عايز أتكلم فيه بقالي فترة لازم الأندية تناقش في لوائحها الداخلية موضوع منع دخول النادي (بالجلابية)”.
وتابع :”يعني إيه أمنع ولي أمر من مشاهدة إبنه و تشجيعه لمجرد إنه لابس (جلابية) ومش مسموح إنه يدخل النادي بيها ، ” إنت ممكن كنادي تقوله إنت لك الدخول في حدود الملعب فقط و إن كنت أنا ضد ده كمان “.
وأضاف نجم الأهلى ومنتخب مصر للشباب الأسبق، :”الجلابية مش وصمة عار ولا شئ مهين ولا لبس خليع، ده تراثنا ولبس أجدادنا و أهالينا وأصولنا كلنا من الأرياف والصعيد محدش فينا قاهري ابن قاهري ابن قاهري لازم هتلاقي في عيلتك حد يا فلاح يا صعيدي و دي حاجة بنتشرف بيها”.
وأختتم وائل رياض ، حديثه:”منجيش علي راجل غلبان جاي من آخر الدنيا علشان يتفرج على ابنه ونقوله ممنوع انت لابس جلابية ولبسك غير مناسب”.
