أكد حسين الشحات، لاعب النادي الأهلي، أن تدخل محمد الشيبي، لاعب بيراميدز، عليه كان عنيفًا ومؤذيًا، لكنه استطاع تجنب الإصابة بشكل كبير.
وقال الشحات خلال تصريحات تلفزيونية في برنامج “الكورة مع فايق”: “ماكنتش متوقع إن الشيبي مش هيلعب في أول ماتش ضدنا، وعرفت إن كريم حافظ هو اللي هيلعب مكانه كظهير أيمن في بيراميدز”.
وأضاف: “الحمد لله أنا لعبت ضد لاعيبة كبيرة ونجوم كبار، والمعد النفسي في الأهلي كان بيتكلم معايا قبل الماتشات دي عشان أكون مركز وحذر، وقلت له إن الموضوع بالنسبة لي انتهى”.
وعن إصابته المحتملة نتيجة تدخل الشيبي، أوضح الشحات: “الحمد لله خرجت من التدخل سليم، بس الدخلة كانت عنيفة، ولما وقعت على الأرض، قلت للاعيبة إن هو جاي يأذيني، وكمان أحمد الشناوي حارس بيراميدز كان فاهم نفس الحاجة”.
واختتم الشحات تصريحاته قائلاً: “قلت للشيبي بعد التدخل ده، مش علشان في مشكلة بيني وبينك توقفني عن اللعب”.
