كشف حسين الشحات، نجم النادي الأهلي، عن تلقيه عروضًا من أندية خليجية في الفترة الحالية، لكنه أكد أنه لا يتحدث كثيرًا عن هذا الأمر. جاء ذلك خلال تصريحات تليفزيونية له مع الإعلامي إبراهيم فايق عبر قناة “إم بي سي مصر 2”.
وأشار الشحات إلى أنه يتمنى أن يتجاوز الناس فكرة أنه يُسيء في التعامل بسبب موقفه مع محمد الشيبي، لاعب بيراميدز، موضحًا: “بتمنى ربنا يسامحني على الموقف اللي عملته مع الشيبي، اللي عاوز أوصله للناس إني مش بشتم، مش علشان موقف كل شوية تقولولي إنت بتشتم. أنا زعلان من نفسي بسبب اللي حصل وتوبت، وده موضوع بيني وبين ربنا”.
وأضاف الشحات: “أنا فتحت بيتي للشيبي، ورضا سليم عارف الكلام ده، ولاعيبة كبيرة وشخصيات كتيرة تدخلت لحل المشكلة، لكن هو مصمم على رأيه وده حقه، والموضوع ده مش شاغلني ولا بيأثر عليا”.
وأكد حسين الشحات أنه عاش فترة صعبة بعد الواقعة، قائلاً: “قعدت أسبوع أو 10 أيام مبنمش بسبب اللي عملته مع الشيبي، واعتذرت له ولأهله أكتر من مرة، وبعتذرله تاني دلوقتي”.
