شن الشيخ خالد الجندي، عضو المجلس الأعلى للشؤون الإسلامية، هجوماً لاذعاً على الأستاذ بكلية التربية جامعة الأزهر-لم يذكر اسمه- لإباحته سرقة الكهرباء والمياه والغاز، قائلا: “ده زعيم عصابة، يأمر الناس بسرقة مصر”.
وجدد عضو المجلس الأعلى للشؤون الإسلامية، خلال حلقة برنامج “لعلهم يفقهون”، المذاع على فضائية “dmc”، اليوم الثلاثاء: ” هجومه بعد مطالبه أستاذ بالأزهر تحليل سرقة الكهرباء والغاز و المياة للأسف الشديد بعض الذين، وبعض، أنا أقول بعض، أكرر، يا رب نعرف ونقولها كده بعض، بَعْض، يعني ليس كلهم، بعض الذين يظهرون التدين ينهون الناس عن المنكر وينهون عن المعروف”.
وقال الجندي إن كلمة (حرامي)، يا جماعة، حرامي اللي إحنا مطلعينها كده، يقولك ده حرامي، فلان حرامي، عارف حرام يعني إيه؟ ما فكرتوش في الكلمة؟ يعني إحنا كشعب مصر عارفين أن الكلمة دي وحشة، حرامي يعني بيعمل حاجة حرام، بس سهلة، هي كلمة حرامي، والياء دِياء النسب، حرامي يعني صفته نسب هذا الرجل، نوعه كده، بيعمل حاجة حرام”.
وتابع : “فتخيل لما واحد طالع بيعترف أنها سرقة ويقول لهم: (أيوه، أنا بقول لكم اسرقوا، اسرقوا كهربا).. يعني أنت عارف أنها سرقة وعارف أنها حرام.. طب أنا بقى عاوز أسأل، لو في الإسلام قطع يد السارق، اللي بيحرض على السرقة ويفتي بها، ده وضعه إيه؟ يعني كم قطعة تتقطع من جسمه؟ مثل هذا في الحدود، لو كانت مطبقة”.
وأوضح: ” رجل أستاذ في كلية التربية جامعة الأزهر، وزعيم عصابة، يأمر الناس بسرقة الناس، يأمر الناس بسرقة مصر، يأمر الناس بسرقة البلد، والغريب، والله العظيم، شيء يججن، أنه يقول لهم: (أنا بقول لكم اسرقوا)، يعني هو الرجل دماغه غابت خالص لدرجة أنه عارف أن اسمها سرقة، اسمها إيه؟ سرقة يعني هو، والله العظيم، لو كنت الحمد لله أن أبويا انتقل إلى الآخرة قبل ما يشوف اليوم ده، أبويا ما كانش هيصدق لو كنت بحكي له، أبويا كان يربي على الحلال مهما كان الثمن، وكانت الحالة فقيرة جدا، كنا بالكاد نعيش، إنما كلنا تربينا على الحلال، ده بقى لو اتربى على الحلال، ما كانش هيقول الناس اعملوا الحرام”.
