علق حسن شاكوش ، على اتهام طليقته ريم طارق ، بإقامة علاقة مع فنانة مشهورة في رمضان بالسخنة.
اقرا ايضا..
وكشفت ريم طارق طليقة مطرب المهرجانات ، ان حسن شاكوش، ” كان في علاقة مع فنانة شهيرة في نهار رمضان، كان في ممثلة مشهورة عندها مشكلة صحية راح أكل معها في شاليه بالعين السخنة، ولما رجع البيت كتبت له وصلت يا حبيبي.. بينهم علاقة”.
وقالت ” ريم طارق”، اثناء حوارها مع الإعلامية بسمة وهبة، من برنامج “90 دقيقة”، على قناة “المحور”: 30 يوم خلال شهر رمضان الاحظ مواقف غريبة زي كده ومختلفة، وفي وقت من الأوقات الفنانة دي حبت تسمعني صوتها، كانوا مع بعض وقعدت تضحك .. حلال عليها، والحرف الثالث من اسمها هو الراء”، لترد عليها بسمة وهبة قائلة: “مترجعيش لحسن”.
وتابعت “شاكوش كان يقوم بالظهور عبر التيك توك بحجة الحصول على هدايا عبارة عن مبالغ من المال، وكان يقول لي يحرم عليّ كل جنيه بيدخل من تيك توك، هاخده وهتبرع به لجمعيات خيرية للأطفال، فرحت عشان قالي إني اللي هتبرع، ولما اللايفات خلصت الموضوع اتنسى.. وأخد الفلوس، وأطلب منكِ مواجهة حسن شاكوش”.
وفي السياق ذاته رد شاكوش عبز صفحته على موقع التواصل الاجتماعي فيسبوك قائلا «من ساعة الحوار ما خلص ومن اخر فترة انا كتبت فيها وقولت ان هسكت ومش هحكي اي تفاصيل عن انسانة كانت في يوم من الايام عايشة معايا ومراتي احتراما للي كان بنا وان انا راجل اتربيت في بيتي بس عارفين ببقي بعد كل فترة بيحصل فيها كلام كتير او ضغط من كل اللي حواليا ببقي عايز اطلع واحكي تفاصيل كثيرة ادافع بيها عن نفسي».
وتابع شاكوش “لكن برجع واقول هرد بكلام والكلام هيجيب كلام ومش هنوصل لحلول بس كل اللي اقدر اقولوا ان مفيش عين تصدق غير اللي تشوفة ربنا يهدي الجميع ويعدينا منها علي خير واسف ان طولت عليكم».
