كشفت الدكتورة مايا خاطر ، استشاري تغذية علاجية، أن كتير من الناس تبدأ “ديتوكس” أول الأسبوع أو بعد أكلة تقيلة ، متسائلة :” بس إيه هو فعلًا الديتوكس؟ وهل فعلاً بيساعد الجسم يتخلص من السموم؟”.
اقرا ايضا ..هل فعلاً الأكل بعد الساعة 8 مساءً بيخزن دهون؟ استشاري تغذية توضح
وأوضحت استشاري تغذية علاجية، أن مصطلح “ديتوكس” أصبح شائع جدًا على السوشيال ميديا، وغالبًا يرتبط بمشروبات خضار وفواكه أو صيام عن الأكل تمامًا. لكن الحقيقة إن الجسم عنده جهاز متكامل للتخلص من السموم ، الكبد، الكلى، الجهاز اللمفاوي، والرئتين.
وتابعت :” الديتوكس الطبيعي بيحصل كل يوم طول ما أعضائك سليمة. وبالتالي، مش محتاجة تعملي رجيم قاسي أو مشروبات خضرا بس علشان “تنظفي” جسمك. اللي بيحصل فعلاً في أغلب أنظمة الديتوكس”.
وأضافت الدكتورة مايا خاطر ، أن نقص مفاجئ في السعرات = خسارة ماء وعضل مش دهون ، بالاضافة الى أن إرهاق وضعف من قلة البروتين والطاقة ، واسترجاع الوزن بمجرد الرجوع للأكل العادي.
بدل الديتوكس القاسي
وأشارت الدكتورة مايا خاطر ، استشاري تغذية علاجية، إلى زيادة الخضار والفاكهة الغنية بمضادات الأكسدة، مع ضرورة شرب مياة كتير ، مطالبه بتقليل السكر والدهون الصناعية ، مع حتمية النوم بشكل مريح وممارسة الرياضة ، لافتة الى أن الديتوكس الحقيقي هو نمط حياة صحي مستمر، ليس مشروب سحري لمدة 3 أيام.
